麵屋一平安 (已結業)

本身唔喜歡豬骨湯拉麵, 因為嫌佢太滯同埋漿口喺日本隨隨便便都揾倒好味嘅醬油清湯拉麵, 偏偏香港拉麵熱潮就只係興起豬骨底, 周圍搵都未有碗滿意嘅今日總算皇天不負有心人, 終於比我揾倒你點解話皇天不負有心人?第一次, 一出電梯, 爆左, 即走第二次出電梯, 未去門口望, 有條友同我講話間舖落場叫我落basement嗰間食, 於是佢跟我入返電梯, 落去時又再係咁叫我去basement嗰間食 (我覺得佢好煩, 就照直同佢講我唔會去, 因為好難食, 佢即收皮)第三次去嘩終於有得食, 開心死跟住嗰日再去問起waiter先知佢哋係冇落場嘅... 唔明第二次去嗰條友有何居心!!!!個麵做得煙韌彈牙, 叉燒偏肥但有肉味, 可惜未有火灼, 有會更好.湯, 哼哼! 正到絕, 清得嚟夠味濃, 又鮮, 最抵死係香口!我由第一啖起已愛上, 不停諗下次幾時再食 (香港冇第二間拉麵比倒我呢種咁強烈嘅感覺)結果, 連續兩日都係食佢. 堅呀!!!(其他分店水準如何我唔知, 去左唔好食唔好瀨我, 呢啲好睇師傅, 我講嘅只係我去嗰間咋!)ps呢度加葱兩次都冇收我錢. 有品