糖老鴨 (已結業)

本來我都唔想再寫食評！因為俾我食到我覺得最好食嘅全寶蘋果！令到我有返動力寫返食評今日經過門口見佢換咗個新Menu，（個menu又整得幾靚）見到有我最愛嘅金寶蘋果，當然即刻走入去試下先，入到去見到到個靚仔係到睇緊電話唔係點理我，服務態度差左啲，起碼問下我幾多位或者講聲隨便坐，不過算啦！起碼食到我鐘意食嘅金寶蘋果！講返個金寶蘋果先，上面個層焗到好香脆，下面啲蘋果夠玉桂味，唔會太苦太甜，仲要係配雲呢拿雪糕！仲有枝旗仔係雪糕上面幾得意👍👍👍（我試過配其他雪糕係真係唔好食！！！）