沁沁麫 (已結業)

喺討論區D人講到沁沁麵好食到識飛咁🧐，今日同朋友專登去東區法院傍聽，其實就係要試吓呢間叫沁沁麵。我哋點咗討論區最多人推薦嘅人蔘雞湯麵、大胃王秘撈麵、醉雞卷同羅漢果茶。人蔘雞湯麵呢個湯比較溫和，清甜味重過藥材味，飲落好好飲幾舒服😋，材料同麵就普通，但係隻旦好入味好好食，下次可以試吓配米線。大胃王秘撈麵隻冬菇好好味，又大件又腍又入味😋，個汁甜甜地好開胃。醉雞卷就麻麻哋，酒味不太夠，雞肉就幾嫩滑。羅漢果茶唔多似以前飲開果D，幾濃味幾好飲，令我以後對羅漢果茶改觀，凍飲仲透心涼。一生人第一次寫食評，係因為一邊食一邊感受到小店很有誠意，嘢食啱唔啱食都係其次，但係每位店員都係落力去招呼客人，食物又盡力做到最好，值得加許💪🏻