百瀧意粉薄餅餐廳 (已結業)

星期五晚約左朋友去佢屋企睇電視,跟住話不如去佢果邊食晚飯,因開左好多新餐廳都未食過,朋友就話不如嚟呢間,因為次次見到門口放晒出嚟假的食物樣板都好食,但次次都冇機會,今次終於可以入去試下啦.原來這裏是百佳咖啡集團的呀,餐牌都好大份及有幾份俾你選擇,唔想晒時間去諗,咁我地就決定叫兩個晚餐一齊食啦,叫左一個燒鴨胸配西冷牛扒(六成熟)配薯菜,另一個係烤羊架(七成熟)配雞扒配薯菜.先嚟餐湯加餐飽,餐湯係磨菇湯,都好好味呀,d磨菇磨到好好好細粒,又唔會太咸,好香及重磨菇味,餐包係黑糖包嚟架,加些千油一齊食,軟淋淋好好味喎.主菜嚟啦,西冷配鴨胸,鴨胸好味呀,唔係好肥,幾香口及淋呀,西冷配些黃芥辣一齊食,好味呀,好juicy,唔算好生.烤羊架配雞扒配薯菜,羊架配薄荷醬一齊食都係配撘得好好,但唔算太酥,易入口.雞扒好好味呀,好香脆及d雞都好滑唔會鞋口呀,薯菜有些蘿仔,椰菜,豆,蕃茄,都好豐富喎.最後是飲品及甜品,飲品我飲熱檸茶,淡淡地唔算好濃呀.甜品係豆腐布甸(其實都唔太肯定只係估架),一般啦.