太二老壇子酸菜魚

營業中

休息中

太二嚟到香港啦，佢喺又一城新開咗無耐每日都好多人排隊，今次終於嚟到食啦入面環境好寬敞坐位之間都好舒服，我哋揀咗二人份量嘅酸菜魚，佢哋由酸菜，魚所以原材料都做咗充足嘅監管確保所有食品味道嘅一致性同品質。酸菜入口酸度唔嗆喉，湯底帶酸甜易入口，魚片無骨所以食落可以好放心，魚肉好入味完全無腥，一啖魚一羹酸湯再配飯係最開胃。加上佢嘅白飯飯米圓潤飽滿偏黏口，好吸收湯汁你會忍唔住一啖接一啖。小酥肉炸到外脆入口鬆化，點一點個椒麻粉再點酸湯，外層炸皮會吸咗少少酸湯食落係好正㗎，好似用油炸鬼點酸湯咁，索哂啲汁多重味道感覺食到咁上下想中和吓口腔嘅辣感，就要食吓佢個軟糍粑，甜味會稍微減輕咗辣嘅感覺，又可以再食酸菜魚啦。