弘 CHIRASHI (已結業)

下午因為過海睇醫生, 所以有機會在港島區食飯.呢間好耐之前已經好想試. 因為大肚, 所以冇得黎食, 依家終於得償所願黎到了!我地叫左一個極上海鮮二段重丼, 再加幾款小食.上面同下面既賣相都相當吸引, 上面主要舖滿不同魚生, 好鮮甜美味. 下面有拖羅蓉, 蟹膏同蟹籽, 仲有一碗溫泉蛋, 望落去好似好大碗, 但其實份量相信一位女士都可以KO得到!其實一碗丼有咁多魚生, 係十分之豐富既, 下面既蟹膏亦都好濃郁, 所以食完呢碗丼, 感覺好滿足!芝士薯餅外層好薄脆，入面有流心芝士薯仔蓉，仲熱辣辣，好好味.煙肉荔支串呢個組合幾特，別第一次食，又估唔到好食喎, 燒過既煙肉好香, 入面既荔枝肉好甜又多汁. 咸+甜既配搭, 感覺好新鮮。燒豬頸肉味道偏淡, 但肉質爽口.燒原條蒜蓉茄子好重蒜蓉味, 因為好多舖上在茄子面上, 即燒即上枱, 所以又係熱辣辣. 不過茄子外皮燒得太耐, 有D燶左, 所以食落有點苦苦地.