金鶴拉麵 (九龍城道) (已結業)

住土瓜灣嘅朋友話想食金鶴拉麵好耐， 話呢間嘢都幾好， 又講到佢個雞湯拉麵好濃好正， 約咗兩個月終於約到 佢出嚟陪我食。一入到去見到隻貓好禮貌咁攞住對筷子， 真係好得意， 隔離仲有三支sake， 我哋就揀咗粉紅色嗰支飲， 百幾蚊真係好抵， 清甜得你又唔辣。當然要試下呢度嘅招牌拉麵啦， 呢個白雞湯拉麵真係名不虛傳， 上面放咗近半呎高嘅炸牛蒡， 成碗拉麵即刻醒神曬， 食落個雞湯好濃郁， 再加埋嗰個慢煮雞柳， 好淋好軟熟， 社會面仲有四塊肉。 而且拉麵店嘅拉麵真係好唔同， 好煙韌得嚟又唔會太吸湯， 口感幾好。如果朋友食嘅呢個辛辣拉麵就 夠曬刺激， 都幾辣， 但唔算話太油膩， 隻蛋都煮得幾好食， 夠曬糖心。每次去到日式拉麵舖我都會叫炸雞， 因為炸雞可以好冇誠意， 但亦都可以炸得好juicy又脆又入味。 呢間就係後者， 雖然只係三塊雞， 但三嚿都好大件， 調味啱啱好唔太鹹， 重點係咬落去嘅時候入面啲肉冇炸到硬曬， 而係啱啱好適中， 啲油份保暖喺個炸雞入面， 一咬落去就有幸福嘅感覺。當然最唔少得就係嗰一個 鰻魚串燒， 平時都唔係特別鍾意食鰻魚， 但呢度咁出名就要一試， 果然係貨真價實嘅嶺鰻魚， 條鰻