齊柏林熱狗店 (MOSTown Street新港城中心大街(2期))

營業中

休息中

呢間熱狗店久仰大名，之前睇電視＆網上介紹之後一直都想試，可惜一直無咩機會去港島區試食不過最近終於係美食沙漠開分店，我終於可以嘗試一下，不過佢新開張關係，日日都大排出龍，自問又無咩耐性等，所以過左幾個星期先去試試拎起餐牌見到６款熱狗，第一次試無咩idea就食佢推介既火炙芝士辣肉醬熱狗，加１２蚊有可以配２樣野食，配左薯條同粟米雖然同開張隔左幾個星期，但人流都仲係多，所以都等左２０—２５分鐘。但疫情關係無得企係堂食，所以就外賣拎返屋企食，雖然鋪頭距離屋企都要行１５分鐘，但拎到返屋企都仲係熱，因為佢真係即叫即整！火炙芝士辣肉醬熱狗（４２蚊）＋粟米＆薯條（１２蚊）返到黎即刻試下個主角熱狗先，咬落包好軟，但燒過所以好好食熱狗腸咬落香脆，配上大量芝士同醬汁香辣好惹味牛油粟米份量好多又多牛油，又熱又好食薯條就可能外賣行到返屋企太耐，有Ｄ淋同凍，加上鋪頭將茄汁同千島醬淋哂上薯條，搞到好多汁好酸，醬汁另上應該會好好多整體黎講好食唔錯，價錢同其他快餐店差唔多，５０蚊左右又飽又好食，絕對推介！