Seoulmate (京都廣場) (已結業)

用朋友搵個地方傾下計，見呢間一直都出名個甜品，趁平日晏晝少啲人就嚟試下。果然，四點幾嚟到只見室外有一枱客，但天氣熱，我吔就揀咗坐室內。揀杯飲品，係餐牌上最吸晴可以話係呢杯草莓芝士奶蓋，粉紅色往往最引到女仔去試。講到味道，比想像中好味，亦比台式飲品外賣店嘅好飲好多!　當然，價錢都貴啲啦～我吔兩個人仲揀咗一個甜品邊傾計邊食，綱上見呢個好出名，就試下，個樣真係好靚好特別......除咗面層嘅生果同餅碎，中間嘅雞蛋狀就係忌廉整嘅。另外，下層就係所謂嘅mousse cake，以為都會幾fresh，襯番個樣，點知食落其實係忌廉蛋糕，一層層似係抹茶味但實際上冇抹茶味嘅蛋糕，夾住一層層忌廉，食落就似連鎖麵包店嘅西餅，以七十幾蚊嘅價錢完全係失望，我吔兩個人都食唔哂。