荳子 (海壩街) (已結業)

平時閒閒地起碼10個8個排緊隊，今晚得2－3個就一於等一等啦！入到去同門面見到嘅一樣咁舒服，亦好好彩被安排到窗邊位置。我哋每人點咗個 main course，另加一個甜品開心 share!黑松露軟殼蟹意粉碟意粉的確有驚喜！平時食開細細件嘅軟殼蟹，今次佢係原隻上！意粉都令人滿意嘅。All Day Breakfast全日早餐多配多士或 pancake，佢呢款特別造型嘅 pancake 賣相吸引。Pancake 厚厚嘅有咬感，仲提供埋 cream 比你，叫做有花過啲心思。凍咖啡 & 凍檸茶飲品方面冇咩特別，但係睇得出佢喺選用餐具上嘅用心。例如凍咖啡嘅杯係圓碌碌好得意（雖然拎上手唔太方便），另外大部份餐具（例如杯墊）都有印上自家品牌嘅 logo。 抹茶心太軟（配抹茶雪糕）成碟都係綠色嘅抹茶，正呀！唯一 comment 係抹茶蛋糕個底唔平，好難切開嚟食架嘛。