台灣小倆口三文治 (已結業)

由佢開張到今日，每次做完gym經過，唔係落閘就係老闆埋緊數，今日竟然比我見佢仲有個類似客既人，我即刻厚面皮咁問仲有冇得買野食，正因為老闆一句欲罷不能令我太感動，即叫左個肉鬆蛋餅，其實我每種蛋餅都想食.........等成品其間同老闆娘講我都係岩岩做完gym，佢就話好多人都係咁，佢話蛋餅健康，做完運動食都唔怕，不過我係打算第二朝做早餐架，老闆就話都一樣好食，不過肉鬆就唔會脆口，我唔會介意架，最重要係我終於都食到蛋餅，老闆係整既時間同我傾計，仲話如果我聽日都黎可以食到新產品，我知佢會睇呢度食評，係度先講聽日我無緣去食喇.......最後都忍唔住搭車時食左一件，都幾淡，就算加埋肉鬆都只係有好好好少咸味，對於我黎講加埋佢d醬就好好味喇，好想有下次呀