澳門台山水佬榮火鍋專家 (已結業)

今次一行四人, 老友聚舊, 終於都有機會嚟幫襯衣間喺佐敦都開咗好幾年嘅火鍋飯店。 滿心期待, 因為從朋友facebook上放嘅相, 都見到呢度嘅火鍋食物, 陣容好勁、好正。近期呢間舖都係做緊一個「航母式軍艦海鮮鍋」。 最平二百幾蚊一位有交易。當中有海鮮亦有配菜。基本上都包你食到飽為止。我今日一坐低, 就掛住飲啤酒、同同朋友傾計, 都冇理到點咗啲咩食。當侍應哥哥捧住一大盆嘢過嚟嘅時候, 我先如夢初醒, 畫面都好吸引㗎!老實講, 睇圖都聞到幾新鮮、幾好味! 真係唔需要咁多介紹。湯底係小辣, 味道算剛剛好 (小小偏鹹)。服務ok, 恰到好處、有禮貌、周到。