Red Lobster (Fashion Walk) (已結業)

話說以前係美國食過Red Lobster一直都念念不忘，知道香港開左分店後一直都好想試。奈何佢地晚飯時間長期都好多人等位，我地又有小朋友唔係咁方便。前幾日放閒日可以早少少去攞位避開Peak Hour，終於都有機會試下喇！今次我地冇叫到平時一定會食既lobster roll，反而想試試其他野。今次我地就叫左龍蝦湯、車打芝士鬆餅、龍蝦flatbread、龍蝦意粉同埋龍蝦拼盤。食物keep到美國既水準，龍蝦肉都係咁爽口彈牙，特別要讚既係龍蝦湯真係好濃郁，鍾意龍蝦既朋友千祈唔好錯過！如果硬係要雞蛋裏挑骨頭既話就係食物略嫌有d咸（不過都明既，美國人口味係咁）。另外，非常值得一讚既係食到尾聲既時間職員過黎問我覺得d食物o唔ok，覺得佢地好重視客人既意見，真係加晒分！