小黑糖 (福昌大廈) (已結業)

肥妹仔知道觀塘開咗小黑糖，經過梗係買返兩杯嚟飲啦。小黑糖珍珠厚鮮奶 $35肥妹仔真係好鍾意呢一間嘅黑糖，黑糖嘅香味好純好濃郁。肥妹仔揀咗微糖，飲落去甜度適中，唔會過甜。鮮奶奶香濃郁，肥妹仔見到佢哋係用日本明治奶，珍珠煙煙韌韌，暖暖地，好食。芝士奶蓋炭焙烏龍茶 $32佢嘅芝士奶蓋茶亦都好岀色，芝士奶蓋芝士味岀，烏龍茶甘醇，唔鍾意飲鮮奶嘅朋友可以揀芝士茶。肥妹仔覺得佢嘅黑糖鮮奶可以係話請珍珠奶茶界做得非常之唔錯。