盈記四季養生麵館

營業中

休息中

今日去咗銅鑼灣行街，有啲想食米線，但又唔想食譚仔，行下行下就行到落灣仔，見到有養生米線就入去試吓。見佢裝修普通，所以都冇乜期望，諗住唔好太難食就OK。叫咗個藥膳農場雞蟲草花養生湯，一上枱就聞到好濃嘅藥膳湯底，飲落好正，終於唔係之前喺其他餐廳飲嘅淡茂茂湯底，飲得出藥膳嘅味道。雞件望落去好似好乾，但食落唔會好嚡，但亦唔係好滑。整體嚟講湯底係超正，但雞就不過不失，下次嚟嘅，就可能唔好嗌雞要嗌其他嘢試吓。