影片
更多
2018-05-16
520 瀏覽
上次同朋友去食，點知夜晚冇晒叉燒，冇得食常餐，叫咗豬潤米，係幾好食不過＄4x仲要食唔飽一啲都唔抵，試過就OK。今日lunch去咗食，終於有我想要嘅常餐。一個人去好快有位。入到去我覺得好新潮，因為每兩個坐位前面就已經有部點餐機，冇影到相。反正我都諗到要食乜嘢，廢鬼事用新科技，叫阿姐幫我人手落單，點知阿姐都係用我前面部點餐機。最好笑嘅係我側邊嗰個呀叔坐左好耐，係咁篤嚟篤去都篤唔到佢想要食嘅嘢，佢見我姐幫我落完單佢自己就即刻落到單講返個常餐叉燒咪，叉燒得個咸字，一般米粉好好食，唔係普通米粉，似係霸王花嗰隻口感即米粉，米粉好好食，不過仲有個湯底因為鹹得滯毁壞左個米粉。仲有我唔知佢係咪見我瘦所以比少啲我😤麵包兩邊都有烤過OK熱既好細心咁飛邊，值得一讚腸仔，暖，唔OK啦我預係要熱㗎嘛，上網見到啲食評人哋都話係暖我原本都唔係好信，今次一試就知原來係真嘅俾個大特寫大家睇清楚佢！只！係！暖！蛋，上次朋友話一定要食，因為好滑喎。今次一試，滑就講唔上，其實同大xx嗰啲差不多，不過分量多好多，而我平時都好鍾意去大xx食炒滑蛋，今次都俾返個讚呢間野。今餐最令我覺得驚喜嘅係奶茶。成日聽人講奶茶好滑，自己從來都未試
今日lunch去咗食，終於有我想要嘅常餐。一個人去好快有位。入到去我覺得好新潮，因為每兩個坐位前面就已經有部點餐機，冇影到相。
反正我都諗到要食乜嘢，廢鬼事用新科技，叫阿姐幫我人手落單，點知阿姐都係用我前面部點餐機。
最好笑嘅係我側邊嗰個呀叔坐左好耐，係咁篤嚟篤去都篤唔到佢想要食嘅嘢，佢見我姐幫我落完單佢自己就即刻落到單
講返個常餐
叉燒咪，叉燒得個咸字，一般
米粉好好食，唔係普通米粉，似係霸王花嗰隻口感即米粉，米粉好好食，不過仲有個湯底因為鹹得滯毁壞左個米粉。仲有我唔知佢係咪見我瘦所以比少啲我😤
麵包兩邊都有烤過OK熱既
好細心咁飛邊，值得一讚
腸仔，
暖，唔OK啦我預係要熱㗎嘛，上網見到啲食評人哋都話係暖我原本都唔係好信，今次一試就知原來係真嘅俾個大特寫大家睇清楚佢！只！係！暖！蛋，上次朋友話一定要食，因為好滑喎。今次一試，滑就講唔上，其實同大xx嗰啲差不多，不過分量多好多，而我平時都好鍾意去大xx
食炒滑蛋，今次都俾返個讚呢間野。
今餐最令我覺得驚喜嘅係奶茶。成日聽人講奶茶好滑，自己從來都未試過，完全唔明野飲點樣好滑，喺度飲嘅呢一杯奶茶第一啖我個腦就出現咗呢一個形容詞：滑😲唯一不足嘅係杯奶茶太細杯兩三啖就飲完
以後我去到呢度一定會叫奶茶，如果有得就咁外賣支裝奶茶就好了。
題外話：＄50食呢個餐其實真係有啲貴😐
張貼
