影片
更多
2014-06-16
1264 瀏覽
家人鐘意食印度菜, 之前試過石X咖哩, 除了咸就是咸! 以前我都試過蓬萊咖哩, 今晚又試返, 水準依然保持, 店員服務周到. 一開始的appetizer 是又香又脆的薄餅好味, 加埋佢D 薄荷醬, 味道好清新(好似有刷牙的感覺 ); 唔知係我哋大食定係份量少, 好似有D 唔夠喉, 老闆娘好好送多少少比我哋食, 真係冇諗過, 好好服務, 加分!我哋問佢有咩好推介, 佢介紹了印度焗茄子同巴辣羊, 好味. 印度焗茄子唔辣但係佢D 香料加埋D茄子蓉, 甜甜地, 幾好味, 又唔會太膩; 巴辣羊果真名副其實---好辣, 不過我哋食得辣, D 羊又諗得嚟唔羶, D汁 嘅香料味好特別, 同D 羊味好夾, 突出羊的鮮味, 好正!!! 咖哩牛腩: 好味烤魚件: 好味多肉汁, 份量較少.烤餅, 一定要食:薄荷烤餅: 唔係好覺薄荷味, 不過都唔錯全麥烤餅: 脆底, 真係好香麥味, 不油膩, 好健康, 值得推介酥餅: 略嫌似中式嫁女餅的酥皮, 麻麻地芝士烤餅: 好多油, 冇乜芝士味, 不過幾香白飯: 傳統印度長米, 但係唔係好夠熱LASSI: 芒果同原味都好食、 正宗;但係比較細杯, 唔夠飲雖然大部分係咖喱,
一開始的appetizer 是又香又脆的薄餅好味, 加埋佢D 薄荷醬, 味道好清新(好似有刷牙的感覺 ); 唔知係我哋大食定係份量少, 好似有D 唔夠喉, 老闆娘好好送多少少比我哋食, 真係冇諗過, 好好服務, 加分!
我哋問佢有咩好推介, 佢介紹了印度焗茄子同巴辣羊, 好味. 印度焗茄子唔辣但係佢D 香料加埋D茄子蓉, 甜甜地, 幾好味, 又唔會太膩; 巴辣羊果真名副其實---好辣, 不過我哋食得辣, D 羊又諗得嚟唔羶, D汁 嘅香料味好特別, 同D 羊味好夾, 突出羊的鮮味, 好正!!!
咖哩牛腩: 好味
烤魚件: 好味多肉汁, 份量較少.
烤餅, 一定要食:
薄荷烤餅: 唔係好覺薄荷味, 不過都唔錯
全麥烤餅: 脆底, 真係好香麥味, 不油膩, 好健康, 值得推介
酥餅: 略嫌似中式嫁女餅的酥皮, 麻麻地
芝士烤餅: 好多油, 冇乜芝士味, 不過幾香
白飯: 傳統印度長米, 但係唔係好夠熱
LASSI: 芒果同原味都好食、 正宗;但係比較細杯, 唔夠飲
雖然大部分係咖喱, 但係點了咖喱牛, 咖喱雞都唔會話一樣味, 各適其色, 不同肉配不同香料, 突出食品香味.
老闆娘服務好, 會問我哋覺得D 嘢好唔好食, 辣唔辣, 推介D 嘢好唔好食; 傳菜印度男士又會清楚說明每一道菜是甚麼, 服務態度好.
題外話/補充資料：
前菜脆薄餅、LASSI份量略嫌少了一點
冷氣唔太夠, 加埋食辣嘢, 更加覺得熱
(以上食評乃用戶個人意見 , 並不代表OpenRice之觀點。)
張貼