小包包 (Fashion Walk)

營業中

休息中

收工同朋友諗住去銅鑼灣食個飯，朋友見到呢間就話一定要食佢個雪糕包，我一直都想食今晚就揀佢。黑松露薯條有魯香菇，黑松露沙律醬，醃日本蘿蔔，店員叫我地拌勻先食，薯條新鮮炸起，魯香菇十分惹味，加上醃日本蘿蔔酸甜可以解下油膩。墨西哥炸雲吞大大隻蝦，雲吞香脆可口，加上牛油果醬同蘋果好好食。魚包2.0比目魚外皮香脆，肉質嫩滑，加自家製他他醬同車打芝士勁好味，麵包皮超鬆軟。CHRYSANTHEMUM LEMONADE好似飲緊菊花茶咁，味道甜甜地。GUAVALADA有番石榴，熱情果，柚子梳打，梅子粉，酸酸甜甜幾開胃。我地叫左鹽味雪糕包同綠茶雪糕包，呢個麵包炸到香脆，熱辣辣中間係凍冰冰嘅雪糕，超級好味。