更多
2024-08-14
5173 瀏覽
十9幾年前就聽人講要食就要排隊,仲要長龍!因為係米芝蓮!揾左閒日熱辣辣黎食,人真係少好多。至少唔使排長龍,等左2張就入到。窩蛋牛煲仔飯,白鱔排骨煲仔飯。材料係幾足,算多料,對得住個價錢!但係有期望就有失望,主角啲飯好濕、好多水氣!已經跟足指示焗幾耐🤷🏻♀️佢係有飯焦,都脆嘅但幾塊飯焦彌補唔到個飯好濕嘅過錯,米芝蓮已經唔可信!當我以為係自己要求高嘅時候,聽到隔籬枱夫婦都話唔好食!咁我就好放心了。呢間煲仔飯無下次,普通茶餐廳做嘅都好過佢~黎呢度可能食點心會好啲。
張貼