影片
更多
2023-07-18
1846 瀏覽
中午12點嚟到大埔就即管去「御和亭」望望，想嚟食好耐但次次都排隊，今日喺無心理準備情況下竟然有位，但要1點鐘交枱，唔理咁多，嚟食過快丼飯，足以頂癮。睇午餐餐牌都真係抵食，幾十蚊到百五蚊就食到刺身丼，仲要午市無加一，唔怪得長期都咁多人排隊嚟食。❀極上魚生丼御膳 $138(碎金鎗魚腩、赤海老、海膽、帶子、三文魚籽）個人好鍾意海膽、三文魚子、碎金鎗魚腩嘅配搭，基本上喺餐牌見到就一定會叫，仲要有埋赤海老同帶子，款多但每樣份量唔算話好多，同埋海膽有啲溶溶哋。赤海老夠大隻，樣樣都鮮甜，撈埋蔥絲，一大片脆紫菜一齊食。❀御和亭魚生丼御膳 $88通常呢個價錢嘅雜錦魚生丼飯，都預咗係角切魚生。嚟到反而有驚喜，雖然望落都係角切魚生，但係好大粒，我覺得其實係厚切粒狀，並唔係切剩刺身嘅頭頭尾尾，三文魚、鱆紅魚肥美、仲有八爪魚、赤海老、蟹籽、玉子同青瓜，份量多，食完飯啲魚生要空口食。如果再想要多啲飯，係可以向店員加嘅。每樣都好新鮮，呢個價錢非常抵食。所有午市御膳已包括：前菜、沙律、味噌湯、茶碗蒸，蛋蒸得好滑，裏面有鳴門卷同粉絲。雖然食得有點衝鋒陷陣，但係都非常滿足。#御和亭日本料理地址：大埔翠和里1號永發樓B座地
睇午餐餐牌都真係抵食，幾十蚊到百五蚊就食到刺身丼，仲要午市無加一，唔怪得長期都咁多人排隊嚟食。
極上魚生丼御膳
218 瀏覽
0 讚好
0 留言
(碎金鎗魚腩、赤海老、海膽、帶子、三文魚籽）
個人好鍾意海膽、三文魚子、碎金鎗魚腩嘅配搭，基本上喺餐牌見到就一定會叫，仲要有埋赤海老同帶子，款多但每樣份量唔算話好多，同埋海膽有啲溶溶哋。赤海老夠大隻，樣樣都鮮甜，撈埋蔥絲，一大片脆紫菜一齊食。
御和亭魚生丼御膳
135 瀏覽
0 讚好
0 留言
❀御和亭魚生丼御膳 $88通常呢個價錢嘅雜錦魚生丼飯，都預咗係角切魚生。嚟到反而有驚喜，雖然望落都係角切魚生，但係好大粒，我覺得其實係厚切粒狀，並唔係切剩刺身嘅頭頭尾尾，三文魚、鱆紅魚肥美、仲有八爪魚、赤海老、蟹籽、玉子同青瓜，份量多，食完飯啲魚生要空口食。如果再想要多啲飯，係可以向店員加嘅。每樣都好新鮮，呢個價錢非常抵食。
所有午市御膳已包括：前菜、沙律、味噌湯、茶碗蒸，蛋蒸得好滑，裏面有鳴門卷同粉絲。雖然食得有點衝鋒陷陣，但係都非常滿足。
#御和亭日本料理地址：大埔翠和里1號永發樓B座地下
張貼
