哈佬燒烤川味

營業中

休息中

想食好耐，但每次下晝經過佢都未開，今次特登搵個夜晚，放工過黎食！提前有bk, 去到唔洗等就有得食！水煮牛肉，佢有得揀辣，我地嗌咗正常辣，夠辣夠麻，食落去好爽，哈佬d水煮嘢無薯粉，唔洗驚食唔晒！見隔離枱水煮毛血旺，好似仲正，下次試吓！乾鍋肥腸，夠辣夠鑊氣，份量十足，餸飯超正！不過肥腸真係幾肥，走油後食唔岀肥膏感覺，得番香味，真係好易爆quota! 炒鱔，辣得黎，又有青尖椒嘅香味，中意食鱔嘅朋友唔好錯過！總括黎講，好滿意嘅一餐！小店經營，嘢食大份又唔貴，老細仲好friendly! 唯一一樣嘢係，d餸都偏鹹，下次再黎食要叫老細少鹹！