芝樂坊餐廳

營業中

休息中

難得有空在閒日終於去試左一直想試的cheesecake factory。餐廳好大，裝修昏黃有情調，雖禁晚市堂食，但都有食晚飯的感覺。餐牌選擇很多，點了一個烤蒜雞肉蝴蝶粉和一客車打芝士夾心漢堡。跟餐可選餐湯或沙律。餐包的黑糖包香膽厚實帶微甜，點少許豉油就好好食。沙律菜新鮮，份量頗多。值得一讚是服務很好，侍應不時主動加水。漢堡好大份，牛肉好厚，而且切開入面係流心到瀉晒出黎，麵包微甜鬆軟加埋牛肉，好juicy好好味！薯條厚大條又夠熱。個蝴蝶粉真係好食，好creamy，奶味夠重，係我鍾意的味道，入面的雞肉都幾多！蒜香味都夠，好好味！基本上食完兩個主菜，我哋已經好飽，可是一場來到，怎可以放過滿櫃的芝士蛋糕？但因為選擇太多，最後選了外型最靚的士多啤梨味芝士蛋糕！即場叫侍應寫上生日字眼佢地都好樂意！芝士蛋糕好軟綿綿，有好大堆忌廉在上面，扎實的一大件，好抵食，果然是質素之作！但因為這裏的份量都偏大，二人去食，食個主菜再加件蛋糕，大家已經投降了。如果一大班人去食會開心好多，等限聚令過咗，一定會再返去！