快樂蜂 (黃埔天地)

營業中

休息中

今日去開黃埔，發現新開左間好大嘅Jollibee。好耐之前係中環食過牛角包，覺得好好食。但係之後試過星期六/日想去食，但必定會大排長龍，因為好多菲律賓姐姐幫襯，所以一直都無機會再食過。黃埔呢間成個轉角位。地方大好多，重點入到去有好多位可以坐。入到去11:00，見仲未轉牌仲有早餐，極速去落Order。好彩買得快，俾完錢即轉左牌。腿蛋牛角包 + 熱奶茶 $26 - 牛角包拎上手熱辣辣，香脆。蛋煎得唔錯，仲有蛋汁。火腿味道略嫌就鹹咗少少。奶茶當然唔及茶餐廳，但味道都OK。