Aqua (已搬遷) 新店位置

是晚係我同老公結婚三周年紀念，提早三星期打黎book 枱，餐廳回覆window seat 已經full左，會放我地入waiting list, 到時盡量安排靠窗枱畀我地。我地5:45 就到左，諗住早啲入座，原來晚市係6點鐘先開始，於是請我地上上面bar 坐低等。坐低叫左兩杯野飲下傾下計一路等，仲有啲小食送，花生唔錯。以呢個環境同價錢黎講，值得同朋友黎飲野傾下計。6點鬆啲我地移師樓下餐廳。今晚決定各選一個意大利同日本menu, 兩樣都試下嘛。主菜分別選左牛面珠肉同埋銀鱈魚西京燒。野食黎之前不停影相影靚景...上餐O既節奏控制得唔錯，唔會上得太快或等太耐先有野食，而且日本同意大利MENU必定係夾好左parallel 地上菜，很細心。