影片
更多
2020-04-05
231 瀏覽
早幾日結婚周年 👰🏻🤵🏻，兩公婆偷閒二人世界出去食lunch🍽，一間心儀已久嘅靚餐廳 ------ 漫花燈火典型港女打卡餐廳，由一出已經靚到嘩聲四起，萬花筒般入口，餐廳內色彩繽紛但異常配合唔會太花，無論係🌺🌸花牆，七彩櫃，圓筒連玻璃樽牆身裝飾，都睇得出設計上嘅巧思。每張檯放上一個萬花筒，既夢幻又勾起童年回憶本身對靚餐廳食物質素不抱太大期望，但呢一餐絕對超水準😱🤩😋• 富士山的雲端上檯時一杯白色一杯淺藍，仲有一堆裝飾，侍應叫我哋自己倒，富士山🏔升起咗🤩勁靚勁夢幻！藍橙雲尼拿牛奶唔會太甜，好飲！• 慢煮比利時橄欖豬鞍超厚身豬鞍🍖實在要慢煮先可以保持咁嫩滑，切開時中間仲係少少粉紅色，咬落肉汁爆晒出嚟• 黃金蟹肉黑橄欖醬意粉相當多份量嘅蟹肉淋喺意粉上🍝，食到尾仲有蟹肉喺碟底，落足本• 潘多拉的盒子限量供應嘅招牌甜品🍨，糖膠整成嘅罩蓋住鮮果撻，用附上嘅小木槌敲爛罩有gimmick。鮮果撻內餡好surprise地用上berry 雪芭一間咁靚咁好食嘅餐廳，仲要有優惠50%off，埋單唔使$500，非常滿足！正想bookmark做食堂以後紀念日唔使煩，點知今朝有朋友send單新聞嚟，業主收返間舖做到
典型港女打卡餐廳，由一出已經靚到嘩聲四起，萬花筒般入口，餐廳內色彩繽紛但異常配合唔會太花，無論係🌺🌸花牆，七彩櫃，圓筒連玻璃樽牆身裝飾，都睇得出設計上嘅巧思。每張檯放上一個萬花筒，既夢幻又勾起童年回憶
本身對靚餐廳食物質素不抱太大期望，但呢一餐絕對超水準😱🤩😋
• 富士山的雲端
上檯時一杯白色一杯淺藍，仲有一堆裝飾，侍應叫我哋自己倒，富士山🏔升起咗🤩勁靚勁夢幻！藍橙雲尼拿牛奶唔會太甜，好飲！
• 慢煮比利時橄欖豬鞍
超厚身豬鞍🍖實在要慢煮先可以保持咁嫩滑，切開時中間仲係少少粉紅色，咬落肉汁爆晒出嚟
• 黃金蟹肉黑橄欖醬意粉
相當多份量嘅蟹肉淋喺意粉上🍝，食到尾仲有蟹肉喺碟底，落足本
• 潘多拉的盒子
限量供應嘅招牌甜品🍨，糖膠整成嘅罩蓋住鮮果撻，用附上嘅小木槌敲爛罩有gimmick。鮮果撻內餡好surprise地用上berry 雪芭
一間咁靚咁好食嘅餐廳，仲要有優惠50%off，埋單唔使$500，非常滿足！
正想bookmark做食堂以後紀念日唔使煩，點知今朝有朋友send單新聞嚟，業主收返間舖做到31號😫
雖然寫完食評大家都未必食得切，不過都好希望記低呢次美好嘅回憶
張貼