珍煮丹 (已結業)

最近迷上芋頭鮮奶，試過好多間台式飲品店，質素參差。明顯嘅分別在於芋頭品質，鮮奶：芋蓉比例配搭，珍珠/芋圓嘅軟硬度。今次又路過葵廣，就嚟試吓以主打珍珠嘅珍煮丹。十份芋芋鮮奶 半糖芋蓉芋頭味濃郁，芋蓉入面有粗粒芋頭，增添口感。芋蓉比例佔整杯份量 1/6 左右，份量少，即使芋頭味濃郁，仍然撐唔起整杯嘅味道，如果增加芋蓉份量會更好，味道更濃。鮮奶味淡，冇乜奶味，而家份量太多，沖淡芋頭味道，整杯味道偏淡。主打嘅「丹」，真心覺得硬，凍冰冰，實噹噹，仲要佔咗 1/4 杯，飲完好傷胃。😅 搞到我對珍珠奶茶有少少陰影，短期內決定唔加珍珠。😅 希望下次再去會有改善啦！最後一提，店內姐姐服務態度一流，每杯飲品都對客人有温馨提示。