樂意扒房 (已結業)

友人話因為睇到報導話呢間餐廳將會結業，所以叫我去食最後一次，人總係結束先會珍惜紅白格仔台布，吊燈，牆紙，木門，全部配合一齊，就係懷舊既感覺首先有一籃麵包，有一半係脆，一半係軟，符合唔同人既需要我地4個人，本身諗住每人叫一樣扒，再叫d配菜沙律share ,但當老闆見我叫斧頭扒，佢話我一個人應該食唔哂，所以我就同老公share一塊斧頭扒，另外兩個朋友就一人一塊牛柳一開始黎係老闆介紹既馬刀貝，由洋蔥香草煮成，鮮甜同d肉好大粒肉好耐無食過咁香既“真正”田螺，薯蓉吸左田螺同牛油味，超好味，我地4個爭住食蘑菇蟹肉湯，啖啖鮮蟹肉味，同埋最頂個塊芝士為呢碗湯加添香濃味斧頭扒，係我番香港食過最好食既牛扒，好耐無食過咁香濃鮮肉味，5成熟，煮得岩岩好，外表脆，內裡既肉汁鎖住，一口咬入去既時候，肉汁布滿口腔朋友揀左牛柳，肉質好淋，感覺入口即溶，岩哂牙痛既友人都可以食哂成塊，但相比下，我比較喜歡斧頭扒既肉感同香濃到最後甜品，我地點左火焰雪山，而家會整呢樣甜品既餐廳月黎月小，但呢道甜品令我失望，酒味過濃，變成濃火酒味，cream太甜