影片
更多
2022-08-02
1700 瀏覽
食到會胃痛既韓國餐廳，唔講以為去咗食快餐🙄勸你食其他韓國餐廳都無咗嬲！絕對唔建議光顧！！！自問喜愛韓國食物，每個月都會食一次醬油蟹。誤信個youtuber話呢度既蟹油蟹幾咁fresh，呢幾餐廳幾咁難book🙄🙄我的確一個月前book 8月1日19:30食飯準時到餐廳，心情都期待既安排完入座之後，要叫10次以上先有職員落單，應該全點只有一位職員識落單（呢度應該等咗10分鐘），兩個人叫咗醬油蟹、燒海鰻、炒年糕同蛋捲（食物質素每況愈下，慢慢逐樣講😤）落完單19:47先上6小碟（免費）除咗泡菜外，其他係鹹、非常鹹同極度鹹（呢個個人口味啦，做開gym，食開少味精野食）泡菜有refill幾次既，態度還可以😌19:52 上海鰻（$400）一個老闆娘既物體幫你燒，我無所謂既，我唔太想自己郁手燒，但都唔係兩條直接落鑊燒，燒完直接上碟，咁咪會凍晒囉🙄（嘩，有冇咁趕時間）20:02燒完佢燒得靚既，佢會教你將薑絲撈醬，海鰻點醬，用 紫蘇葉包黎食我話我唔食薑絲，佢掉低啲剪刀同個夾叫我自己黎🙄 我又無叫你餵，唔跟你食法就掉野走人，笑死……個人覺紫蘇葉既味道唔太啱我口味，所以試咗一舊之後就直接點醬食，第一舊既燒海鰻
勸你食其他韓國餐廳都無咗嬲！
絕對唔建議光顧！！！
自問喜愛韓國食物，每個月都會食一次醬油蟹。
誤信個youtuber話呢度既蟹油蟹幾咁fresh，呢幾餐廳幾咁難book🙄🙄
我的確一個月前book 8月1日19:30食飯
準時到餐廳，心情都期待既
安排完入座之後，要叫10次以上先有職員落單，應該全點只有一位職員識落單（呢度應該等咗10分鐘），兩個人叫咗醬油蟹、燒海鰻、炒年糕同蛋捲
（食物質素每況愈下，慢慢逐樣講😤）
落完單
19:47先上6小碟（免費）
除咗泡菜外，其他係鹹、非常鹹同極度鹹
（呢個個人口味啦，做開gym，食開少味精野食）
6小碟
8 瀏覽
0 讚好
0 留言
泡菜有refill幾次既，態度還可以😌
19:52 上海鰻（$400）
一個老闆娘既物體幫你燒，我無所謂既，我唔太想自己郁手燒，但都唔係兩條直接落鑊燒，燒完直接上碟，咁咪會凍晒囉🙄
（嘩，有冇咁趕時間）
燒海鰻
$400
13 瀏覽
0 讚好
0 留言
20:02燒完
佢燒得靚既，佢會教你將薑絲撈醬，海鰻點醬，用 紫蘇葉包黎食
我話我唔食薑絲，佢掉低啲剪刀同個夾叫我自己黎🙄 我又無叫你餵，唔跟你食法就掉野走人，笑死……
個人覺紫蘇葉既味道唔太啱我口味，所以試咗一舊之後就直接點醬食，第一舊既燒海鰻係好食既，因為熱辣辣，第二舊都唔錯，之後嗰啲已經凍晒，似食緊膠🙂🙂
20:05 上炒年糕（$120）
我好鍾意食炒年糕呢啲煙煙韌韌既食物，所以唔理佢價錢貴都照叫
職員一上炒年糕，差啲講粗口，差過其他韓國鋪頭食，收我$120都俾啲誠意呀！$40都嫌俾多佢
炒年糕
$120
10 瀏覽
0 讚好
0 留言
到期待想食既醬油蟹
19:55 已經上咗醬油蟹（$520）
老闆娘物體話佢幫我哋撈，你話做，咁我哋就梗係唔郁手，繼續食既啦，於是，兩隻蟹就攤咗係度等🙂🙂
醬油蟹
$520
23 瀏覽
0 讚好
0 留言
如是者，兩隻蟹又攤多咗幾分鐘
老闆娘物體同我哋講，兩隻蟹，一隻撈，一隻就咁食，我哋都okay既
20:12 就撈完
17 瀏覽
0 讚好
0 留言
賣相還可以，略嫌佢撈飯嗰陣落得太多醬油，搞到啲飯好濕
第一啖飯，食唔到蟹既鮮味，可能撈太均
第二啖飯，都仲係無蟹既鮮味，仲帶少少腥😦
跟住嗰幾啖，都唔知食緊啲咩
（okay，飯都算，就咁食另一隻蟹啦）
食第一啖蟹，同個fd對望，然後大家都講咗句：「啲味咁既」
嘩，完全無鮮味可言，但又未到霉，完全覺得好很普通既醬油蟹
自問食蟹次數都唔少，未食過一間咁普通仲要收得勁貴既餐廳，請問嗰個youtuber呢隻蟹點fresh法？！勁失望😞😮💨
以下呢個真係可以用垃圾形容😡
20:33 上蛋餅捲 （$130）朋友話想食
一上枱，第一個feeling就係：做咩咁既樣😦
同想像中既唔一樣，唔好同佢張相對比啦
但一睇就即刻同個fd講：「做咩俾中國蛋我食」
仲要連芝士都無，衰過茶記既炒蛋
安慰自己，賣相唔得，可能味道搭夠呢🙂
嘩頂，啲！蛋！老！既！
朋友評語：收$40都唔食同衰過茶記啲炒蛋，連自己屋企整既都好食過佢
蛋捲
$130
8 瀏覽
0 讚好
0 留言
蛋餅捲食剩一舊既時候，有個職員即刻過嚟執枱，見仲有一舊蛋，就叫我哋快啲食埋佢，唔知以為趕收工，我明食肆想一晚翻幾次枱，但都唔使催命符咁趕人走
20:45加咗茶之後，職員第一次問可唔可以埋單，我哋記答埋單無問題，過咗一分鐘都無，老闆娘物體見未有單，再問我哋可唔可以埋單先（不如你直接擺定部卡機係隔離收錢呀🙄🙄）
4 瀏覽
0 讚好
0 留言
埋單期間，一開始落單既職員拎咗一舊唔凍既蜜瓜黎…………估你唔到仲有生果
食完4小舊生果，落單職員問可唔可以俾返張枱我，我哋答好，佢就行開咗，我諗住飲埋杯茶就戴口罩走。
又係過咗一分鐘都無，老闆娘物體過嚟，都係講同一句說話：「可唔可以俾返張枱我？」
嘩，你哋張枱咁有寶，唔好開俾人食飯，自己拎黎用呀嘛！
計落單到埋單，用咗59分鐘
計入座到埋單，用咗79分鐘
趕過我lunch time
埋單$1,287，就咁食到胃痛兼一肚氣咁走！
總結：
❌醬油蟹唔新鮮
❌海鰻燒完一次過上碟
❌炒年糕同蛋餅捲唔好食兼極貴
❌趕你食、催埋單交枱
❌職員態度麻麻
✅小麥茶好飲（唯一讚得落既野）
千幾可以食間再好啲韓國餐廳，
我就一定唔會再幫襯亦都唔建議大家去食！
張貼
