St. Barts (已結業)

之前去過西環店對服務及食物有信心，噚日選擇閒日冒雨去西貢試下，順便行下。下午4點左右去，順便happy hour。店內只有兩檯共四個客，一入門口感覺已經不太好(接待者等掃針紙時面露不耐煩)；偌大地方及很多空位，但卻被安排坐一張二人檯。因為準備食埋晚餐，怕食物放唔落，所以要求換一張四人檯，結果換咗隔離四人檯。當詢問是否有happy hour menu, 同一個服務員(接待員)答“都可以嘅”，跟住先攞menu嚟；其實樓面只有兩個人，但態度都傲慢、不志在咁。叫咗兩杯餐酒及青口，青口味道不及西環做法，已經唔想再叫其他嘢食。服務態度唔好係主因，食物出品令人失望，真係要轉場啦。兩間店手法完全不同，如果係franchise, 真係㊗️佢生意興隆！否則管理層真係要睇下發生咩事喇。