小草十八怪石鍋米線 (已結業)

今日同朋友晚飯講起想食米線，於是就喺旺角搵到呢一間主打石鍋米線嘅舖頭。呢一間店唔單止淨係做米線，佢都仲有蒸飯石鍋飯等等，最正嘅一點就係佢又做埋串燒，今日都嚟舖頭呢度座位都幾舒服。我哋嗌咗一個三餸嘅石鍋米線，我哋就揀咗啲平時喺其他米線鋪食唔到嘅餸啦，點咗佢哋嘅時候十八怪照通炸醬，香辣蕃茄牛助條，仲有封門牛肉，我哋配左佢個香辣金湯，一上枱成窩米線熱辣辣，啲湯底好香，辣得好過癮，炸醬好入味，牛肋條都夠大件好香口！另外我點咗個瑤柱蒜蓉海鮮荷葉飯，呢個飯真係一流，啲蒜蓉同荷葉嘅香氣比啲飯吸收曬，食落真係好香口，越食越開胃，啲海鮮都唔差，蝦同帶子都好新鮮，用料唔錯，個飯份量夠曬兩個人食！嚟到當然都要試吓佢哋嘅串燒喇！我哋叫咗佢嘅茄子，成條咁燒，好香孜然未。個墨魚頭超級爽口，牛丸同牛舌都燒得好入味，羊肉串同牛柳串啲肉質燒得好嫩又多汁！嚟到一定記得要食埋佢哋嘅串燒！