鼎·會館 (已結業)

「鼎爺廚房」，早早已經想黎試下阿爺既功夫菜，可惜一位難求，早一個月訂位先同朋友食到飯！今晚上到餐廳，環境的確特別，有古典中國風味，環境好靚！朋友叫左餐廳著名菜之一，秘製火焰叉燒，用上半肥瘦豬腩肉，加上火焰燒香，外層香脆肉質爽嫩，油香濃郁肉汁非常豐富！蚵仔卷，薄薄炸粉加上大大隻肥美蚵仔和潤腸，炸得香口唔會油膩，入口香甜唔會好膩！雙耳燉蟹鉗湯，巨大蟹鉗的確好足料！蟹肉鮮嫩好新鮮，湯汁香濃好足料！馬友肚中尋，朋友想食魚，早早預訂左依個菜，原條桂花魚加上馬友咸魚，蒸得香滑，咸魚增加魚味和咸香，魚肉非常滑溜！煲仔飯成為我地最愛菜式，飯粒好入味啊！黑松露菌香非常重，加上肥美香嫩雞肉，味道非常驚喜！紅棗糕甜度唔高，好清香！