Lab 66 (已結業)

黑布街多食店就係人都知，所以今次朋友聚會我都喺呢到揾食，有朋友食過話Lab 66 不錯，所以二話不說就book位試下今次我地聚會時間比平時早好多，大約5點幾左右，但樓下己經滿座，我地就上左二樓，可能未到晚飯時間，上層暫時得我地一張抬。呢度係係無套餐架，要散叫好適合一班朋友黎傾吓計食下野～-薯條拼咸牛肉芝士多士-看似簡單但係一D都唔馬虎，多士咬落脆脆地，鹹牛肉分量很多，加埋芝士絕配～另外即叫即炸•一大桶熱辣辣炸薯條，沾上醬汁絕對食到停唔到口-煎韓式泡菜餃子-直頭成隻煎pan上菜，賣相己經好吸引，餃子煎得好香脆，但個醬真係好辣（對於我唔食得辣)，不過好惹味，所以唔食得辣既人就唔好點咁多醬丫～-水牛單骨雞翼-單骨雞翼食得好方便，食完之後個個都話好似食梗生炒骨，哈哈，因為個醬汁真係好似，酸酸甜甜好開胃-卡邦尼意粉配溫泉蛋-整個意粉充滿着濃郁既忌廉汁，煙肉，入口啖啖蛋香味，一點都唔覺得漏Lab 66 賣相吸引，食物質素高，份量多，難怪朋友會推介黎呢度聚會丫