影片
更多
2019-03-31
21 瀏覽
店鋪：小茶堂 (旺角)地址：旺角花園街2-16號好景商業中心地下22號舖相信平時去開旺角嘅大家都會知道旺角有唔少台灣飲料店，尤其是係登打士街同花園街一帶，台灣飲料店更加可以話係包羅萬有，而作為一個好鍾意飲台式飲料嘅人，除咗黎黎去去都係去果幾間出名好飲嘅台式飲料店之外，更重要嘅緊係盡量每一間台式飲料店都試勻，去搜羅一下有冇一啲隱世好味嘅台式飲料店。今次嚟到好景商業中心地下，有一間台式飲料店叫做小茶堂TeaDays，喺香港只有旺角同尖沙咀有分店，所以就決定一於試試佢嘅特色飲品。對於有啲台式飲料店賣到三十幾四十幾蚊杯，呢間小茶堂主要嘅價錢大概係二十幾蚊，非常之合理同平民化，所以決定叫夠兩杯試試佢🤓珍珠烏龍鮮奶茶-微糖($28)先講下呢杯珍珠烏龍鮮奶茶，好多時候係出面飲嘅烏龍奶茶烏龍味都唔算太強烈，甚至乎有時比太濃嘅珍珠奶茶蓋過左烏龍嘅味道，但係呢杯就好平均，珍珠奶茶味唔會太突出，但係亦都有淡淡嘅烏龍鮮香，而珍珠嘅數量亦都接近三分一杯，職員仲好細心咁提醒飲之前要搖勻珍珠，咁樣嘅話會更加好飲👍🏾香芋鮮奶-微糖($29)本人極愛鮮奶飲品，所以香芋同紫薯鮮奶都係我嘅至愛，以往喺其他店飲嘅香芋鮮奶，香
地址：旺角花園街2-16號好景商業中心地下22號舖
相信平時去開旺角嘅大家都會知道旺角有唔少台灣飲料店，尤其是係登打士街同花園街一帶，台灣飲料店更加可以話係包羅萬有，而作為一個好鍾意飲台式飲料嘅人，除咗黎黎去去都係去果幾間出名好飲嘅台式飲料店之外，更重要嘅緊係盡量每一間台式飲料店都試勻，去搜羅一下有冇一啲隱世好味嘅台式飲料店。
今次嚟到好景商業中心地下，有一間台式飲料店叫做小茶堂TeaDays，喺香港只有旺角同尖沙咀有分店，所以就決定一於試試佢嘅特色飲品。
對於有啲台式飲料店賣到三十幾四十幾蚊杯，呢間小茶堂主要嘅價錢大概係二十幾蚊，非常之合理同平民化，所以決定叫夠兩杯試試佢🤓
珍珠烏龍鮮奶茶-微糖($28)
先講下呢杯珍珠烏龍鮮奶茶，好多時候係出面飲嘅烏龍奶茶烏龍味都唔算太強烈，甚至乎有時比太濃嘅珍珠奶茶蓋過左烏龍嘅味道，但係呢杯就好平均，珍珠奶茶味唔會太突出，但係亦都有淡淡嘅烏龍鮮香，而珍珠嘅數量亦都接近三分一杯，職員仲好細心咁提醒飲之前要搖勻珍珠，咁樣嘅話會更加好飲👍🏾
香芋鮮奶-微糖($29)
本人極愛鮮奶飲品，所以香芋同紫薯鮮奶都係我嘅至愛，以往喺其他店飲嘅香芋鮮奶，香芋都會佈滿係杯嘅底部，鮮奶同香芋分開，好難先至可以飲到黐住係底嘅香芋，而小茶堂嘅香芋鮮奶呢？香芋差唔多佔咗一半！每飲一啖都會有好多芋頭粒粒，而且職員預先已經將香芋同鮮奶溝勻，第一次飲香芋鮮奶唔係飲緊芋頭蓉同鮮奶喇😭而係真真正正嘅香芋鮮奶💕！
總括來講，微糖嘅甜度啱啱好，而職員亦都會話比你知咩飲品配咩甜度係比較好，二十幾蚊一杯嘅台式飲料，小茶堂絕對係抵過有餘，必試😆
張貼
