影片
更多
2021-01-03
403 瀏覽
12月26日 星期六 Boxing Day早幾個月已經收藏左呢間餐廳，但係唔知點解一直都冇去食🙈 當日冇book位就上去，因為我地12點左右就去到所以都仲有位比我同男朋友。睇過食評，所以知道一入門口就要即刻量體溫同洗手先可以行入去，衛生好緊要呀!!👍👍 地方唔大枱唔多，所以枱同枱之間都算鬆動唔會有逼嘅感覺。一坐低就比左個weekend menu我地，我就揀左"手撕豬扁意粉"，男朋友二話不說揀左"封門柳三文治"，咖啡跟餐半價所以一杯latte一杯cappuccino 💛 兩杯咖啡先到，味道夠濃💛好怕啲咖啡飲落完全冇咖啡味.....有唔少coffee shop啲咖啡真係冇味😑 美中不足嘅係latte art比較悶，我地兩杯都係同一個花，見食評啲咖啡都係嗰隻花。如果有多少少心思就更好，始終咖啡黎到第一眼就係個拉花，見到靚野人都醒神啲。"溫泉蛋手撕豬扁意粉"好滿意💛 做到基本嘅al dente。由於我唔食蛋所以一黎就將隻溫泉蛋撈埋落個意粉到🙈 印象中好似唔係十分流心，不過我冇所謂🙈 啲手撕豬味道岩岩好，唔會太濃或太淡，有時配料食多幾啖就會覺得太濃味，佢就冇呢個感覺👍 意粉同手撕豬份量唔少架，
早幾個月已經收藏左呢間餐廳，但係唔知點解一直都冇去食🙈
當日冇book位就上去，因為我地12點左右就去到所以都仲有位比我同男朋友。睇過食評，所以知道一入門口就要即刻量體溫同洗手先可以行入去，衛生好緊要呀!!👍👍 地方唔大枱唔多，所以枱同枱之間都算鬆動唔會有逼嘅感覺。
一坐低就比左個weekend menu我地，我就揀左"手撕豬扁意粉"，男朋友二話不說揀左"封門柳三文治"，咖啡跟餐半價所以一杯latte一杯cappuccino 💛
兩杯咖啡先到，味道夠濃💛好怕啲咖啡飲落完全冇咖啡味.....有唔少coffee shop啲咖啡真係冇味😑 美中不足嘅係latte art比較悶，我地兩杯都係同一個花，見食評啲咖啡都係嗰隻花。如果有多少少心思就更好，始終咖啡黎到第一眼就係個拉花，見到靚野人都醒神啲。
"溫泉蛋手撕豬扁意粉"好滿意💛 做到基本嘅al dente。由於我唔食蛋所以一黎就將隻溫泉蛋撈埋落個意粉到🙈 印象中好似唔係十分流心，不過我冇所謂🙈 啲手撕豬味道岩岩好，唔會太濃或太淡，有時配料食多幾啖就會覺得太濃味，佢就冇呢個感覺👍 意粉同手撕豬份量唔少架，啲豬好似食極都仲有咁，我相信男士都會夠飽。
"封門柳三文治"冇得頂💛 大大份真係好驚人，肉又夠多，唔會比3,4塊你就算👍 肉質夠淋唔會韌同鞋，用門牙咬都可以一開二😂 成舊放入口牛味好濃，亦唔會𡁻到2046都未吞到，好有幸福嘅感覺🙈 呢個三文治只可以用刀叉食，平時食burger我同男朋友一定用手拎住大大啖咬。但係佢真係太多肉同配菜，個包又脆脆地，真係冇可能用手拎起再放入口😂 男朋友好想淨係食哂啲肉同菜，放棄個包😂
見隔離枱有封門柳配扁意粉，明明menu係冇，比錢嗰陣問職員睇多次menu都唔見。呢個時候個職員好主動問我地有冇野想幫手，問落先知weekday先會有呢個意粉，只不過個客知道有呢樣野所以先會order到😳😳 咁間餐廳真係好好，weekend都比人order weekday野食😳
總結: 相逢恨晚🥺 我地一定要再懲罰佢💛
慢煮手撕豬扁意粉
73 瀏覽
0 讚好
0 留言
封門柳三文治
94 瀏覽
0 讚好
0 留言
張貼
