影片
更多
2021-05-09
569 瀏覽
星期六下午難得放假，諗住近近地帶毛孩出街放吓電，食埋餐飯先返屋企啦。上網見yoho mall I 地下有幾間餐廳都係寵物友善，而依間餐廳更加係對我嘅荷包友善（最後埋單完全吾係），就走左入去啦。首先講吓服務態度，我地企左係門口成5分鐘都冇人帶位，明明入面間舖有一半都係吉嘅。啲員工見到門口有人等位，都選擇視而不見。到上餐後，明知張枱細吾好放，都吾幫我地擺好啲碟，反而問返我「咁點？」，最後我要自己擺過曬。好啦，終於入到去用手機點埋餐。作為狗奴才嘅我當然係叫左野食比狗狗先。我叫左個香蕉燕麥椰子油窩夫，狗狗平時從不揀食，但輕輕咬左一啖就吾食。咁我就試吓味啦。咬左一啖，舊窩夫仲硬過我條命，冇乜香蕉味，伴碟嘅青蘋果極酸，難怪狗也不吃。於是我決定比多次機會，叫埋另一個菠菜南瓜餅啦。黎到又係勁重黃薑味，口感似擦膠。見冇乜野岩毛孩食，我唯有叫多隻水煮蛋，諗住比少少蛋黃佢食啦，點知上到黎佢煮左隻溫泉蛋，上面仲曬左啲好精緻嘅七味粉添。真係多謝曬講返人類嘅食物，藍青口同埋豬肋骨算不過不失，豬肋骨個肉質都算香軟，吾會太乾。反而薯粒鑊仔令我有啲失望，太過乾身，同埋好咸。飲品方面，我地兩個人都叫左百利甜酒朱古力，算係
首先講吓服務態度，我地企左係門口成5分鐘都冇人帶位，明明入面間舖有一半都係吉嘅。啲員工見到門口有人等位，都選擇視而不見。到上餐後，明知張枱細吾好放，
都吾幫我地擺好啲碟，反而問返我「咁點？」，最後我要自己擺過曬。
好啦，終於入到去用手機點埋餐。作為狗奴才嘅我當然係叫左野食比狗狗先。我叫左個香蕉燕麥椰子油窩夫，狗狗平時從不揀食，但輕輕咬左一啖就吾食。咁我就試吓味啦。咬左一啖，舊窩夫仲硬過我條命，冇乜香蕉味，伴碟嘅青蘋果極酸，難怪狗也不吃。於是我決定比多次機會，叫埋另一個菠菜南瓜餅啦。黎到又係勁重黃薑味，口感似擦膠。見冇乜野岩毛孩食，我唯有叫多隻水煮蛋，諗住比少少蛋黃佢食啦，點知上到黎佢煮左隻溫泉蛋，上面仲曬左啲好精緻嘅七味粉添。真係多謝曬
講返人類嘅食物，藍青口同埋豬肋骨算不過不失，豬肋骨個肉質都算香軟，吾會太乾。反而薯粒鑊仔令我有啲失望，太過乾身，同埋好咸。
飲品方面，我地兩個人都叫左百利甜酒朱古力，算係成餐飯令我地最滿意嘅。賣相同味道都不錯。
黎到依度冇理由吾試埋佢主打嘅窩夫。點知一上餐我真係好懷疑自己叫左啲咩。隻碟得一份窩夫，一盒牛油同埋一球雪糕。說好的藍莓同士多啤梨呢？一切開，佢又冇呃我嘅，啲士多啤梨夾住係窩夫入面咋嘛。窩夫除左暖暖地，口感算鬆軟，但係完全冇味。
總之一句講曬，吾會再幫襯。
（仲有，吾好話自己寵物友善啦，餐廳得門口果張枱比狗仔泊車，又吾比人抱住狗仔，啲野食又難食。想知食環署幾時話餐廳吾比寵物入去，咁其他餐廳又可以嘅？）
17 瀏覽
0 讚好
0 留言
張貼
