The Yell-Owl Seafood And Grill (已結業)

自從見到龍蝦all day breakfast 嘅賣相，呢間餐廳就一直放咗喺我嘅waitlist上面，今晚終於有機會黎試吓。M5和牛肉眼扒 ($368)足12oz超級大份，本來怕會係日本和牛咁油膩，但切開同平時嘅肉眼西冷感覺分別唔大，但係明顯更加有肉汁同更甘香，肉味同油香之間平衡得啱啱好。 配菜揀咗忌廉薯蓉同薯條，本來怕咁多薯會厭但各有千秋，唔好懷疑就係高級餐廳嘅自家製味道，強烈推薦呢個配搭。蝦膏蟹肉車厘子扁意粉 ($168)好多時蟹肉意粉都預想到係嗰浸忌廉帶少少鮮甜味，但呢度真係食到好強烈嘅蝦膏味，仲食到一梳梳蟹肉，真材實料。乾蔥大蒜忌廉汁煮紐西蘭鑽石蜆 ($218)個汁十級香，鑽石蜆飽滿有彈性，略嫌海水味重咗少少，不過忌廉同蒜香令味道柔和返，同朋友食唔停口。 意大利軟包焗到脆卜卜，怒點忌廉汁一流，如果可以原個麵包挖空倒滿汁咁焗就正喇。