峰壽司 (已結業)

萬勝節, 一家三口化個鬼妝去尖沙咀趁下熱鬧, 當然係食飽個肚, 做隻飽鬼啦！ 新港中心嘅地庫, 係尖沙咀平靚正食肆多選擇嘅地方。 今次揀一間好耐都冇食嘅 -「峰壽司」。< 熊本拉麵 > 大概係豬骨湯底好多蒜子嘅叉燒拉麵, 「峰壽司」嘅熊本拉麵好有驚喜, 叉燒好厚肉, 而且好似炆豬肉咁, 入曬味。冇乜肥肉, 所以唔會太肥。最特別係有彈牙、爽口嘅奇妙感覺。麵質穩妥, 係日式傳統嘢。湯汁掛麵, 濃度適中。 配菜(木耳絲) 爽、脆、惹味, 令人難忘。 有熊本熊嘅紫菜, 唔知係唔係佢哋獨有, 好得意。< 迷你長腳蟹飯 > 唔好以為有「迷你」兩個自我反正好細, 其實份量都唔少。用料新鮮 , 加咗啲沙律醬落去一齊食, 更加惹味。< 鐵板明太子薯仔 > 呢個小食, 以為得薯仔啦, 點知嚟到, 原來薯仔上面係鋪住啲三文魚腩肉, 真係超級抵食。同埋講真真係好好食㗎!< 費城卷 > 個樣係似加州卷, 但係裏面係芝士同埋三文魚。好味! 就係咁簡簡單單, 兩個大人都食飽曬。BB瞓咗覺, 冇得食, 嘥曬。