影片
更多
2012-10-24
20 瀏覽
上Openrice見到呢間平民價嘅扒房，所以就搵咗晚同愛人去試下~由於果晚比較早到，唔洗排隊等𨋢一入到去，係門口睇咗餐牌，食物種類都算多，價錢又唔貴~就入咗去~由於比較早,唔洗等位待應帶咗我地去一張近窗嘅卡位~望落去係彌敦道夜景，讚!餐廳裝修好靚，燈光又暗暗地~好又情調過咗陣，待應拎咗水同Menu泥,需然呢度係平民扒房,我係唔應該咁高要求,但係杯水冇加檸檬令我有少少失望...我愛人叫咗個煎鵝肝配燒西冷牛扒，而我就叫咗個8oz炭燒西冷牛扒...但係過咗陣個待應話今日冇鵝肝..所以我愛人就叫埋同我一樣~~過咗五分鐘，就上沙律~我地叫咗鴨胸沙律,份量雖然少，但係啲菜好新鮮，個Dressing味道較得好好~之後泥餐湯,我愛人叫咗個南瓜雞蓉湯,而我就加28蚊叫啦個焗洋蔥湯~個南瓜湯好足料，絕非面粉味精湯~而塊面包都好正好新鮮而我焗洋蔥湯就簡直係佳作,冇落味精之餘仲要有大量芝士係上面，塊面包仲要索晒啲味~掂！飮完湯,到主菜~個牛扒正如我地order嘅一樣，係Medium Rare冇Over Cook，肉質好好，冇雪味,肥瘦比例啱啱好~個汁係超水準,同牛扒嘅味道好夾~而啲薯菜亦都唔求期，薯蓉奶味好重
由於果晚比較早到，唔洗排隊等𨋢
一入到去，係門口睇咗餐牌，食物種類都算多，價錢又唔貴~就入咗去~由於比較早,唔洗等位
待應帶咗我地去一張近窗嘅卡位~望落去係彌敦道夜景，讚!
餐廳裝修好靚，燈光又暗暗地~好又情調
過咗陣，待應拎咗水同Menu泥,需然呢度係平民扒房,我係唔應該咁高要求,但係杯水冇加檸檬令我有少少失望...
我愛人叫咗個煎鵝肝配燒西冷牛扒，而我就叫咗個8oz炭燒西冷牛扒...但係過咗陣個待應話今日冇鵝肝..所以我愛人就叫埋同我一樣~~
過咗五分鐘，就上沙律~我地叫咗鴨胸沙律,份量雖然少，但係啲菜好新鮮，個Dressing味道較得好好~
之後泥餐湯,我愛人叫咗個南瓜雞蓉湯,而我就加28蚊叫啦個焗洋蔥湯~個南瓜湯好足料，絕非面粉味精湯~而塊面包都好正好新鮮而我焗洋蔥湯就簡直係佳作,冇落味精之餘仲要有大量芝士係上面，塊面包仲要索晒啲味~掂！
飮完湯,到主菜~個牛扒正如我地order嘅一樣，係Medium Rare冇Over Cook，肉質好好，冇雪味,肥瘦比例啱啱好~個汁係超水準,同牛扒嘅味道好夾~而啲薯菜亦都唔求期，薯蓉奶味好重，口感好好，絕非用粉開出泥嘅~食物賣相亦好有條理.
到甜品,我同我愛人都叫咗心太軟，而佢就加8蚊要多個朱古力雪糕~個心太軟好靚,一切落去啲朱古力流哂出泥~個皮唔太硬而個雪糕更加唔係普通雀X貨色~係某D字牌子嘅上等貨~
最後個餐飲,我愛人叫咗個熱朱古力~味道好濃,好正呢間扒房我絕對會再去,因為佢水準同性價比絕對高過扒X之X!
題外話/補充資料：
唯一美中不足嘅係佢地播啲歌...小弟唔係唔中意廣東or國語歌..不過係咁有情調嘅環境之下點解要播廣東&國語流行曲呢?!:mad:
(以上食評乃用戶個人意見 , 並不代表OpenRice之觀點。)
張貼
