兜記即燒乳豬專門店 (已結業)

好少機會去到灣仔區食晚飯，今晚難得去到呢區，當然就要揀間好食啦。最出味嘅燒乳豬，當然一定要試啦。例牌乳豬份量都幾多，而且燒得好香脆，豬肉又好嫩，點乳豬醬或者配上軟綿嘅包點，都一樣好好味，果然係呢度最出色嘅菜式。然後有薑蔥桶蠔，隻隻蠔都好大隻，感覺好滿足，而醬汁惹味，送飯就最一流。而龍躉兩味同樣出色，魚塊啖啖肉，再同西芹一齊去炒，鮮味十足; 而蒸龍躉亦亦係我嘅至愛，簡簡單單用上香蔥、果皮、豉油呢啲配料，都已經好好味。