Barg (已結業)

行完時代廣場想搵地方坐下放低戰利品，搵左附近的餐廳試試，諗住hea 下吹下水休息下，點知食物的質素好好，試左三樣都好有驚喜！蝦toast 大蝦肉好爽好彈牙，而且上面仲有滿滿的蟹肉，蟹肉有微微調味過，仲有蟹膏撈埋一齊。炸後連埋脆脆的多士一齊食好撘，大滿足, 絕對係有驚喜的一碟！🤤意大利四式芝士薄餅芝士味好濃，四種mix 埋係複雜的口味: 鹹鹹濃濃香香的芝士味，仲有拉絲！餅底係薄底，唔會好快就好飽👍烤德國鹹豬手係本人食過最高質的豬手，烤的火喉拿捏得好好，完全冇過火，皮脆得黎肉冇老到。豬手本身食得出係靚貨，肉好厚，肥瘦比例完美，絕對冇誇張！配菜係酸菜，伴住一齊食冇咁膩得黎又開胃🥰