影片
更多
2024-12-29
0 瀏覽
今日約咗幾個好耐無見嘅朋友聚會，所以要搵間靚靚既cafe食晚餐。今次揀咗旺角嘅Station 3 cafe，位於金雞廣場25樓，出門口左手邊直行就係。估唔到平日嘅夜晚都幾熱鬧，幾乎坐滿，環境都幾寬敞，而且餐廳擺放咗好多board game俾人玩。因為臨緊聖誕節，所以餐廳推出咗Christmas set，加$38 仲可以送埋田園沙律同埋甜品一份。前菜有田園沙律，有蕃茄仔同埋沙律菜，撈埋芝麻醬，好開胃。意式芝士肉醬扁意粉，牛肉同蕃茄打成肉醬，蕃茄味濃郁帶點酸甜，牛肉味香濃，肉醬上面蓋上一層濃厚芝士，相當好味。西班牙海鮮辣肉腸燴飯呢個risotto上面鋪咗大量海鮮，例如青口、蜆肉、大蝦、辣肉腸等等，全部都好新鮮，味道好鮮甜，燴飯吸收咗海鮮嘅精華，有咬口又好有鮮味。小食方面，我哋點咗蜜糖雞翼，有成七隻咁多，雞翼煎到脆卜卜，沾上蜜糖醬，好香口。今日嘅重頭戲，就係呢兩款甜品巴斯克蛋糕🍰芝士味真係非常濃郁，好Creamy，而且蛋糕面頭燒咗焦糖，外脆內軟，推薦大家試吓。開心果Tiramisu最近大熱嘅開心果甜品，估唔到喺呢度都食到。開心果打成cream，中間夾住手指餅，而且食得出手指餅有咖啡酒味，一啲
今次揀咗旺角嘅Station 3 cafe，位於金雞廣場25樓，出門口左手邊直行就係。
估唔到平日嘅夜晚都幾熱鬧，幾乎坐滿，環境都幾寬敞，而且餐廳擺放咗好多board game俾人玩。
因為臨緊聖誕節，所以餐廳推出咗Christmas set，加$38 仲可以送埋田園沙律同埋甜品一份。
前菜有田園沙律，有蕃茄仔同埋沙律菜，撈埋芝麻醬，好開胃。
意式芝士肉醬扁意粉，牛肉同蕃茄打成肉醬，蕃茄味濃郁帶點酸甜，牛肉味香濃，肉醬上面蓋上一層濃厚芝士，相當好味。
西班牙海鮮辣肉腸燴飯
呢個risotto上面鋪咗大量海鮮，例如青口、蜆肉、大蝦、辣肉腸等等，全部都好新鮮，味道好鮮甜，燴飯吸收咗海鮮嘅精華，有咬口又好有鮮味。
小食方面，我哋點咗蜜糖雞翼，有成七隻咁多，雞翼煎到脆卜卜，沾上蜜糖醬，好香口。
今日嘅重頭戲，就係呢兩款甜品
巴斯克蛋糕🍰芝士味真係非常濃郁，好Creamy，而且蛋糕面頭燒咗焦糖，外脆內軟，推薦大家試吓。
開心果Tiramisu
最近大熱嘅開心果甜品，估唔到喺呢度都食到。開心果打成cream，中間夾住手指餅，而且食得出手指餅有咖啡酒味，一啲都唔甜膩，開心果味好濃郁，中間仲夾住麻糬，開心果控必試。
套餐包咗兩杯嘢飲，我哋揀咗兩杯紅茶，茶味都幾香濃，而且好大杯。
張貼
