滑嘟嘟

營業中

休息中

今日入嚟大埔除咗飲茶之外，其中最主要嘅一個目的就係黎滑嘟嘟，喺我心目中佢嘅客家糍粑絕對稱得上大埔名物必買手信之一。如果唔係因為住得遠嘅關係，我真係每個禮拜買一次都可以嘅。飲咗茶行過嚟大概十一點四十五分，坐喺度等一陣大概十二點正準時開門，一到十二點就見到姐姐喺度開始整客家糍粑，見佢搓糍粑嘅時候已經感覺到嗰種軟熟，毫不猶豫買咗兩盒(六粒)。我喜愛佢個花生芝麻餡唔會太甜，食落去好純天然，而且一粒粒好有口感。由於個人喜好嘅關係，特別叫咗兩粒係冇餡嘅，因為佢個皮實在非常之軟熟，縱然冇餡料喺入面都好好食，絕對係值得一試~