影片
更多
2019-09-17
1932 瀏覽
上次同住晌深水埗嘅街坊老友去到耀東街嘅大牌檔食飯，話題自不然講開深水埗嘅變化，亦離不開啲飲飲食食嘅內容。呢一區就特別多小店，而且，好多仲喺好個性化，就好似今晚同住晌附近嘅老友所到訪嘅「家後」咁，就喺主打餃子同麵食嘅小店嚟。小店位處基隆街，但仲要喺南昌街向太子方向一側，呢一邊向來都喺布疋行多過乜，一入夜就比較靜，所以，目測所見，小店嘅主客群都喺街坊多。而既然叫得小店，環境就唔太大，簡簡單單嘅裝修，牆上貼咗好多推介食物及食物相，感覺好街坊。而主餐牌，就喺一張A4紙底面兩頁睇晒，一版印住店家主打嘅餃子，口味多達8款，款款嘅配搭都有特色，可選淨餃、煎餃或湯餃，甚至配麵條都得，最貼心喺連湯底都有得揀，加少少錢仲可配埋冷熱飲品添。反轉另一版就喺靚湯粉麵，以車仔麵形式做法，起錶價都喺$28，同樣可以加配冷熱飲品。此外，仲有唔少特色小食，尤其鹵水類就比較多。飲品方面，睇見都喺大路嘢，茶記類嘅選擇。不過，偶然發現有部咖啡機，估佢唔到竟然晌呢度提供即磨咖啡，而且，都只喺賣$15杯，跟餐仲賣到$10杯添，抵過晌茶記飲杯咖啡啦。辣菜脯餐枱上擺咗少少基本調味料，如醋、豉油、辣椒油……等等，不過，就順便介紹埋店家
小店位處基隆街，但仲要喺南昌街向太子方向一側，呢一邊向來都喺布疋行多過乜，一入夜就比較靜，所以，目測所見，小店嘅主客群都喺街坊多。而既然叫得小店，環境就唔太大，簡簡單單嘅裝修，牆上貼咗好多推介食物及食物相，感覺好街坊。
而主餐牌，就喺一張A4紙底面兩頁睇晒，一版印住店家主打嘅餃子，口味多達8款，款款嘅配搭都有特色，可選淨餃、煎餃或湯餃，甚至配麵條都得，最貼心喺連湯底都有得揀，加少少錢仲可配埋冷熱飲品添。
反轉另一版就喺靚湯粉麵，以車仔麵形式做法，起錶價都喺$28，同樣可以加配冷熱飲品。此外，仲有唔少特色小食，尤其鹵水類就比較多。
飲品方面，睇見都喺大路嘢，茶記類嘅選擇。不過，偶然發現有部咖啡機，估佢唔到竟然晌呢度提供即磨咖啡，而且，都只喺賣$15杯，跟餐仲賣到$10杯添，抵過晌茶記飲杯咖啡啦。
辣菜脯餐枱上擺咗少少基本調味料，如醋、豉油、辣椒油……等等，不過，就順便介紹埋店家自家製嘅辣菜脯。喂！認真唔錯，真材實料，夠香、夠惹味，沾煎餃我就覺得最正。
雲耳椰菜鮮豬肉餃、洋蔥鮮豬肉煎餃 $38煎餃果然喺搭招牌，一來8隻賣$38，定價好街坊，二來可以雙拼，卻唔使實外加錢，三來堅喺皮薄脆口，餡料多汁。豬肉打得好鬆化，而且，食落似喺鮮豬肉，就連洋蔥都用上紫洋蔥，隻隻包得漲卜卜，用料不賴有誠意。
雲耳椰菜鮮豬肉餃、洋蔥鮮豬肉煎餃
$38
21 瀏覽
0 讚好
0 留言
芫茜豬肉湯餃、菠菜鮮豬肉湯餃 $38雖然話煎餃喺招牌，但湯餃一樣喺有驚喜，點驚喜？喺個湯成碗都飲得，湯底喺無味精自家製嘅粉葛赤小豆湯老火湯，味道甘順，好有家庭風，又估唔到夾到啲湯餃喎。而兩款餃都好食，芫茜豬肉湯餃味道較清，芫茜味重得嚟唔會太搶，菠菜鮮豬肉湯餃口感有種綿密感，感覺都幾清怡。
芫茜豬肉湯餃、菠菜鮮豬肉湯餃
$38
8 瀏覽
0 讚好
0 留言
招牌牛雜麵 $39既然佢哋都以麵食為另一主打，當然要試試啦，揀招牌牛雜麵，貪佢一次過有齊牛腩、牛肚、牛筋、牛𦟌，而且，份量可不少，因為我哋兩個人分，每樣嘢都至少分到一件，兼且味道、質感都做得不俗；揀咗上海幼麵，拉得滑身，卻仍帶點韌勁，配以濃而不濁嘅牛骨湯，確喺值得推薦嘅麵食。
鮮豬大腸羹 $29本來叫碗麵俾大家墊墊肚都好夠，但店主推介我哋試吓呢一道福建式嘅鮮豬大腸羹，見只喺賣$29，唔貴喎。食豬大腸，最重要喺洗得夠乾淨，眼前呢碗就合格有餘，而肥膏唔算多，口感有嚼頭，但友人就話稍為韌咗；此外，裡面仲有好多材料，如豆腐粒、木耳、豬紅……等等，口感豐富。
晌牆上一堆食物相中睇見有張紅紙，寫住「日式住家飯糰」，其實可以講無咩特別，但當佢標明喺日本米限定，兼只喺賣$12客，咁就唔同睇法。如果你有晌超市買米，就知啲日本米一般嚟講，比起啲泰國米、澳洲米貴成3、4倍架。
日式住家飯糰 $12口味原來喺健康嘅牛蒡，啱晒啦，飯糰雖然無包紫菜，但形狀壓得完整而唔鬆散，不過，入口卻唔會實麻麻，飯粒好軟熟，帶點黏糯感，混咗醬油，加上有唔少牛蒡，整體嘅味道真喺幾好，估唔到晌度食到啲咁高質嘅飯糰。
日式住家飯糰
$12
6 瀏覽
0 讚好
0 留言
張貼
