影片
更多
2017-06-10
1106 瀏覽
呢間素菜店係我誤打誤撞咁食起。有次經過見到就入去睇下有咩食。佢地有午市套餐，仲要寫明白飯兩碗，粥，湯任裝，咁我就點左個羅漢齋試下。姐姐好快手咁比左碟小菜我，入面有冬姑，發菜，雲耳，腐竹，菜芯。而粥，飯，湯就自己去裝羅漢齋煮得好好食，又唔咸，但清得黎又入味，所有材料都煮到好淋。用黎送粥送飯真係一流。完全唔覺得加任何味精。粥，真材實料，非常之綿，仲好有米香，碗粥絕對唔係稀水，有粒粒飽滿既米。好好食飯，估唔到係類似珍珠飯既口感。黏性，但又唔會淋，每粒米都好香，好有飯味。但個湯就好似水咁無味。每次黎都要食番幾碗粥先滿足。雖然店面細細，但經常好多人都黎光顧。值得推薦！
有次經過見到就入去睇下有咩食。佢地有午市套餐，仲要寫明白飯兩碗，粥，湯任裝，咁我就點左個羅漢齋試下。
姐姐好快手咁比左碟小菜我，入面有冬姑，發菜，雲耳，腐竹，菜芯。而粥，飯，湯就自己去裝
羅漢齋煮得好好食，又唔咸，但清得黎又入味，所有材料都煮到好淋。用黎送粥送飯真係一流。完全唔覺得加任何味精。
粥，真材實料，非常之綿，仲好有米香，碗粥絕對唔係稀水，有粒粒飽滿既米。好好食
飯，估唔到係類似珍珠飯既口感。黏性，但又唔會淋，每粒米都好香，好有飯味。
但個湯就好似水咁無味。
每次黎都要食番幾碗粥先滿足。雖然店面細細，但經常好多人都黎光顧。值得推薦！
張貼