老點點心竹筒飯 (已結業)

鐘意食中式點心嘅我，今晚嚟咗呢間老點點心竹筒飯食晚餐，估唔到最近有新推介，推出多款榴槤點心食品，而且仲喺$12炸！迷你榴槤布丁，超好食，雖然比較细，但入面餡料係新鮮嘅榴槤蓉，香滑美味呀！榴槤達，每碟有兩個，外皮香脆，有鮮牛油味呀，而裡面亦絕無馬虎，入口每一啖都滲透出榴槤嘅香味呀！正到暈！而竹筒飯更是餐廳嘅熱門買點，竹筒外型有趣精緻，裡面嘅米飯比較煙韌，再加上面頭鋪滿配料(排骨)，令米飯嘅香味更加特出。食點心點可以唔叫「燒賣」，黑魚子係面，而燒賣入口亦唔會覺得油腻，反而見到大大隻鮮蝦，好足料呀！而其他點心亦同樣美味非凡！