雲長小龍坎老火鍋 (已結業)

今晚，平安夜前夕，相約左朋友去岩岩新開的雲長小龍坎，一試下佢地出晒名既紅油藥膳窩。紅油藥膳窩：用上多種四川辛辣辣椒而成，加上十多種藥材，所以湯底聞落除了大大陣藥材味外，還有麻辣的味道。聽講這個藥膳窩有驅風排毒的功效，老人家必食之窩底。手打墨魚滑：用上新鮮墨魚打做而成，聽講師父每日即叫即打，所以一定非常新鮮，食落不但爽口彈牙，而且墨魚膠質平均，唔會太膠口，加上藥膳湯底，更令墨魚味道更為突出。生猛鮑魚：鮑魚每日都係由魚市場新鮮運來，所以非常新鮮，鮑魚入口不但沒有腥味，而且鮑魚肉質鮮甜，入口彈牙，加上鮑魚又大隻厚身，絕對係必叫之配料。總括來說，這裡裝修特別，環境舒適，食物又新鮮，湯底又特別，絕對係喜歡打邊爐既朋友又一新熱點之地。