佳文魚生店

營業中

休息中

有咩促使我夜麻麻點幾唔去瞓喺度寫食評？真係好想俾人知呢度嘅鰻魚飯有幾抵食。晚市$100客鰻飯，已經平絕灣仔，估唔到佢仲咁高質。首先條鰻魚本身已經好有份量，而且燒得剛剛好，魚皮帶少少焦香，食落去有肉地但唔肥膩，仲好嫩滑，無骨，一啲都唔腥。個醬汁唔甜，食完一啲都唔覺得口渴，而無嗰種好假嘅甜味，更加唔會有魚腥味，好滿足。$100竟然食到咁高質嘅鰻魚飯，俾錢嗰陣我仲有少少唔好意思，忍唔住開口讚客鰻魚飯真係好好食，老闆先話啲鰻魚岩岩喺日本返。咁下次要試埋佢地嘅壽司啦。