燒魂

營業中

休息中

牛肉拼盤：和牛入口即溶，脂肪比例好正，燒幾下就食得，正。厚切牛舌，好爽，一定要叫多轉黎食，一口牛就好有牛味，不過太厚要燒好耐，個人無咩耐性，所以食一轉就算。豬肉拼盤：黑豚肉簿而有味，最岩我呢d無耐性既人黎燒。豬助骨就好難燒，燒到出面燶晒都未熟，所以食左1轉就算。豬大腸就好肥好香，係本人至愛。刺身拼盤：三文魚好肥好鮮，大蝦就有d腥，吞拿魚同劍魚腩都不錯幾好味，都幾鮮，北寄貝同八爪魚就同平時食開既差唔多，不過不失。帶子壽司就麻麻地，唔夠厚無咩口感，芝士蝦卷就不錯幾好味，韓牛卷就乾左d。刺身沙律，正常都幾多醬，唔錯。海鮮拼盤：石蠔都幾大隻又夠鮮，大蝦就唔夠爽，麻麻地，小玉貝好鮮甜，不錯。黑松露帶子壽司就個醬太濃味，食唔到真味。天婦羅蝦和雞軟骨唔太油唔會太厚粉，不錯可試試。蟹粥見好多人點所以都點黎試試，味度唔錯，半隻蟹腳，食落似食緊軟殼蟹咁，整體都幾正常。