Mi Casa Chilean Oyster Bar (已結業)

聽朋友講話大坑京街有間餐廳食蠔好抵,於是同朋友走去試,果然真係不出所料,生蠔即柯打即開,又新鮮!我地叫左生蠔拼盤,一共有6款(每款兩隻)來自唔同國家,仲有兩隻翡翠螺(翡翠螺好正,又彈牙,唔錯!)仲送埋白酒,不過我同我朋友唔飲白酒既,老闆就話可以轉比多兩隻蠔!(唔記得邊隻蠔)我同朋友就滿心歡喜可以食多兩隻蠔都抵到爛啦!仲叫左唔記得係咩,係焗田螺,一碟有6粒,田螺有d香草味,正...一流!之後黎多個智利式多士,多上焗左之後係飽上面灑粒粒三色椒好味,好脆,又正...而凱撒沙律d沙律醬,煙肉乾粒,麵包粒都係自家製,好有心思,而蔬菜又乾淨,又新鮮,無黃菜無爛菜都食得開心啦!其實鴨干扁通粉有切成粒粒白菌,粒粒鴨干都唔錯,好香,但不算油膩都可以接受既!之後再黎多碟豬扒,豬扒上連汁點埋食都ok既,不過價錢嫌貴少少...最後食埋心太軟,有朱古力又雪糕,一切開朱古力中間就即溶出黎,我就點埋雪糕一齊食,又熱又凍,感覺好得意!哈哈~雖然舖位得4張枱,但因為人多,老闆Garry又忙又不忘親自招呼客人,有耐心的確係最好的服務態度,而我同朋友就建議下次生日,情人節聖誕節...搞party最好一定會選擇去Mi Cas