潮州冷小炒 (已結業)

臨飛前食餐好飯先出發 ﹗滷水鵝片，必食推介滑溜鵝片，肉質嫩滑無渣，肉汁豐富。香甜滷水炆得入味，好好食 ﹗鵝肉肥瘦適中，眼見肉質纖維細緻，薄薄的外皮包住薄薄的脂肪，配上潮州辣椒油或甜醋同樣美味 ﹗臨出發去機場飛韓國，食多餐中菜先。栗子雞煲，時令煲仔菜，香氣撲鼻 ﹗出晒煙熱騰騰，全部用無骨雞髀肉做，啖啖肉。醃得入味，爆得香口，肉質鮮嫩多汁，皮香肉嫩又惹味，估唔到咁好食 ﹗川椒牛肉，要趁熱食，凍左會略咸及較油。要將炸珍珠葉夾住牛肉同吃才有風味，清香既珍珠葉連濃味牛肉味道好夾，牛味濃郁又多汁，正 ﹗瑤柱響螺雞腳燉湯，燉湯到最尾食飽先燉好 ﹗真係製作需時，無緊要，最重要係好飲。香濃金華火腿雞湯底，淡淡海味響螺味道加上乾瑤柱味，雞腳都入晒味，湯汁鮮甜濃郁味美，好好飲。